![Ermenistan di doznameya xwe de ji ber Tirkiyê çek dane hêzên Azerbaycanê mafên mirov binpê kiriye Ermenistan di doznameya xwe de ji ber Tirkiyê çek dane hêzên Azerbaycanê mafên mirov binpê kiriye](https://www.rudaw.net/s3/rudaw.net/ContentFiles/579590Image1.jpg?mode=crop&quality=70&rand=1&scale=both&w=752&h=472&version=4161742)
Ermenistan di doznameya xwe de ji ber Tirkiyê çek dane hêzên Azerbaycanê mafên mirov binpê kiriye
Hewlêr (Rûdaw) - Ermenîstanê ji ber şerê Nagorno-Karabaxê li Dadgeha Mafên Mirov a Ewropayê (DMME) doz li dijî Tirkiyê vekir. Hikûmeta Ermenîstanê roja Sêşemê 18ê Gulana 2021ê ji ber hevkarîkirina Azerbaycanê di şerê Nagorno-Karabaxê de li Dadgeha Mafên Mirov a Ewropayê doz dijî Tirkiyê vekir.
Di doznameyê de amaje bi wê yekê hatiye dayîn ku ji ber Tirkiyê çek dane hêzên Azerbaycanê mafên mirov binpê kiriye. Dadgeha Mafên Mirov a Ewropayê destpêkê biryar dide ka lêkolînê li ser doznameyê bike yan na.
Di dawiya Îlona 2020an de li ser navçeya cihê nakokiyê Nagorno-Karabaxê şer di navbera Ermenîstan û Azerbeycanê destpê kir. Piştî wê operasyona ku artêşa Azerbaycanê 27ê Îlona 2020an da destpêkirin û 44 rojan berdewam kir, pênc navendên bajêr, çar qeza û nêzîka 286 gund kontrolkirin.
Roja 10ê Mijdara 2020an Ermenîstan û Azerbaycan bi navbijêniya Rûsyayê rêkeftina rawestandina şer îmze kirin.
Roja 11ê Mijdara 2020an Binkeyê Çavdêriya Hevbeş a Serbazî Tirkî-Rûsî bi rêkeftina wezîrên berevaniyên yên Rûsya û Tirkiyê hat damezrandin.
Roja 17ê heman mehê Parlamentoya Tirkiyê daxwaznameya şandina hêza aştîparêz a Tirkiyê bo karûbarê çavdêrîkirina agirbesta Herêma Qerebaxê bi piraniya dengan pesend kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse