Navenda Nûçeyan – Xaça Sor a Navnetewî piştî derbasbûna hêzên Tirkiyê û çekdarên bi ser wê, ji bo navenda bajarê Efrînê yê Rojavayê Kurdistanê peyamek belav kir û ragihand ku rêya alîkariyê ser bi Efînê de hate qutkirin.
Artêşa Tirkiyê û çekdarên opozisyona Sûriyê piştî duh Yekşemê 18ê Adara 2018ê derbasî navenda bajarê Efrînê bûn, dest bi talankirina mal û mulkên xelkê Efrînê kirine û xelkê sivîl ê Efrînê rûbirûyê metirsiyeke mezin bûne.
Xaça Sor a Navnetewî derbarê rewşa Efrînê de daxuyaniyeke da û ragihand ku egera Heyva Sor a Tirkiyê bi Kurdan re kar bike sifir e.
Xaça Sor a Navnetewî ji aliyên berpirs daxwaza vekirina rêyên alîkariyê dike û dibêje pêwîstiya sivîlên Efrînê bi alîkariya bê alî heye.
Herwiha di daxuyaniya wan de tê gotin: “Mafê Kurdên li Efrînê ya li man û yan jî derketina ji bajêr heye. Divê ew bixwe biryara vê yekê bidin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse