Hewlêr (Rûdaw) – Li eyaleta Guanajuatoyê ya Meksîkayê hinek kesan bi çekan êrişî şahiyekê kir û 12 ciwan kuştin.
Ciwanan li çewlîga San Jose del Carmenê ya li bajarokê Salvatîerrayê şahiyek li dar dixist.
Hinek kesan bi çekan êrişî şahiyê kir, 12 ciwan hatin kuştin, 12 hatin birîndarkirin ku rewşa hinekan ji wan giran e.
Serokê Şaredariya Salvatîerrayê German Cervantes êriş şermezar kir û got, “Dê dozger û hêzên ewlehiyê her tiştê pêwîst bikin.”
Li aliyê din, li eyaleta Guanajuatoyê îsal heta niha 3 hezar û 29 kes hatine kuştin.
