Li Swêdê guherîna keşûhewayê Hezîrana îsal ji salên borî germtir kiriye

Hewlêr (Rûdaw) - Li welatê Skandînavyayê Swêdê guherîna keşûhewayê, Hezîrana îsal ji salên derbasbûyî germtir kiriye.

Nêzîkî berî 30 salan, Swêdiyan wek Ewropiyên din, li welatê xwe gelekî kêm havîneke germ didîtin.

Niha di havînê de kêm roj hene ku ne germ be, hinek ji ber tavê direvin û xwe didin bin siya daran.

Sofia Soderberg dibêje “Meha Hezîran a Îsal hişktirîn meh bûye. Li başûr û bakurê Swêdê baran kêm barî.”

Ajansa Keşnasiyê ya Swedê dibêje; li başûrê welat heta niha kêmtir ji %10ê barana salên borî bariye. Li bakur jî kêmtir ji %50î bariya ye.

Lêkolînerê Keşûhewayê Gustav Strandberg got “Ger em li 10-20 salên derbasbûyî binêrin, em dibînin ku cara yekem e meha Hezîranê hewqasî germ dibe.”

Swêdê siyaseta keşûhewayê wiha daniye ku heta sala 2030an derxistina karbondioksidê %63 kêmtir be ji sala 1990an.

Lê di egera serneketina vê planê de, heta sala 2050an hejmara rojên germ ên havînê li wî welatî dê %5 zêde bibe.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger