Fînlenda pêwendiyan yekser ligel Hewlêrê dike

Helsinkî (Rûdaw) - Wezîrê Parastina Fînlendayê Carl Haglund ragihand alîkariyên wan dê ji bo Hêzên Pêşmerge bidome û ewê yekser pêwendiyan liel Hewlêrê pêk bînin.

Carl Haglund ji Rûdawê re diyar kir, gumana Hikûmeta Fînlendayê ji karên Hikûmeta Bexdayê heye, lewma raste rast pêwndiyê ligel Hikûmeta Herêma Kurdistanê û Wezareta Pêşmerge dikin.

Haglund anî ziman rêxistina DAIŞê ji bo tevahiya cihanê metirsiye û wiha got: “Heta ku rêxistin were têkbirin emê alîkariyên leşkerî û lojîstik ji bo Hêzên Pêşmerge bidomînin.”

Wezîrê Parastina Fînlendayê eşkere kir, di rojên bên de rayêdarên Hikûmeta Herêma Kurdistanê bo paytaxt Helsinkî were vexwendin ji bo ku wa re bicivin û alîkariyên zêdetir pêşkêş bikin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger