Girtiyê DAIŞê yê li Girtîgeha Rostovê \ Wêne: Medya civakî
Hewlêr (Rûdaw) – Li başûrê Rûsyayê li Girtîgeha Rostovê girtiyên DAIŞê 2 gardiyan dîl girtin.
Rêveberiya Girtîgeha Rostovê di daxuyaniyekê de diyar kir ku girtiyên DAIŞê 2 gardiyanên girtîgehê dîl girtine û ji bo berdana gardiyanan danûstendin berdewam dikin.
Girtîgeha Rostovê eşkere jî kir ku rewş di jêr kontrola wan de ye.
Çavkaniyeke ji polîsê Rûsyayê eşkere kir ku 3 girtiyên DAIŞê ku bi pêkanîna êrişên terorîstî dihatin darizandin û dê demeke nêzîk derketana dadgehê jî beşdarî girtina gardiyanan bûne.
Li gorî çavkaniya polîsê Rûsyayê, hejmara wan girtiyên ku 2 gardiyan girtine 6 kes in û wan gotiye dê bi şertê otomobîlekê û azadkirina xwe dê gardiyanan berdin.
Girtiyên DAIŞê vîdeoyek belav kiriye û di wê vîdeoyê de tê dîtin ku destê gartiyan girêdayî ye û kêrek jî di destê yek ji endamên DAIŞê de ye.
Medyayê Rûsyayê jî belav kiriye ku hêzên Rûsyayê çûne herêmê û dorûbera girtîgehê hatiye dorpêçkirin.
Rûsya yek ji wan welatan e ku DAIŞê çend caran êrişî wê kiriye.
DAIŞê meha adarê jî êrişî Rûsyayê kiribû
Herî dawî 22yê Adarê çend çekdarên DAIŞê êrişî holekê kirin û di wê êrişê de xelk gulebaran kirin.
Di encama wê êrişê de 144 kesan jiyana xwe ji dest da û bi 100an kes jî birîndar bûn.
Rêxistina DAIŞê ya Xorasanê ew êriş li xwe girtibû.
Hêzên ewlehiyê yên Rûsyayê li ser wê êrişê 20 tohmetbar desteser kiribûn û 4 tohmetbarên wê êrişê xelkê Tacikistanê bûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse