Hewlêr (Rûdaw) - Serokê Herêma Kurdistanê Nêçîrvan Barzanî bi serokatiya şandeke pilebilind îro Duşemê 16ê Gulana 2022an bi armanca beşdariya şîna serokê koçkirî yê Îmarata Yekbûyî ya Erebî Şêx Xelîfe Bin Zayid Al Nehyan û her wiha pîrozbahiya Mihemed Bin Zayid Al Nehyan wek serokê nû yê Îmaratê gihîşte wî welatî. Mihemed Bin Zayid Al Nehyan ji bo dostanî û hevsoziyê spasî li Nêçîrvan Barzanî kir.
Hat diyarkirin ku şanda bi serokatiya Nêçîrvan Barzanî ji aliyê Mihemed Bin Zayid Al Nehyan ve hat pêşwazîkirin.
Di şandê de Cîgirê Serokê Herêma Kurdistanê Mistefa Seyîd Qadir, Cîgirê Serokwezîrê Herêma Kurdistanê Qubad Talebanî û Serokê Dîwana Serokayetiya Herêma Kurdistanê Fewzî Herîrî cih girtin.
Hat destnîşankirin ku Nêçîrvan Barzanî hevxemiya xwe pêşkêşî Mihemed Bin Zayid Al Nehyan kir û sersaxî ji malbata wî, hikûmet û gelê Îmaratê re xwest.
Serokê Îmaratê Mihemed Bin Zayid Al Nehyan ji bo amadehiya li şînê spasî û destxweşî li Nêçîrvan Barzanî û şanda pê re kir û xweşhaliya xwe û welatê xwe ya ji bo hevsoziya Herêma Kurdistanê ya bi Îmaratê re anî ziman.
Her wiha Serokê Herêma Kurdistanê û şanda pê re hêviya serkeftinê ji bo Mihemed Bin Zayid Al Nehyan bo hilbijartina wî weke serokê nû yê Îmarata Erebî xwestin.
Serokê Herêma #Kurdistan`ê Nêçîrvan #Barzanî bi serokatiya şandeke pilebilind îro Duşemê gihîşt #Îmarat`ê. Di şandê de Cîgirê Serokê Herêma Kurdistanê Mistefa Seyid Qadir û Cîgirê Serokwezîrê Herêma Kurdistanê Qubad #Talebanî cih digirin. pic.twitter.com/7TQ32lgt2n
— RudawKurdi (@RudawKurdi) May 16, 2022
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse