Mesrûr Barzanî û Emmanuel Macron li Parîsê civiyan

Hewlêr (Rûdaw) – Serokwezîr Mesrûr Barzanî û Serokê Fransayê Emmanuel Macron li Koşka Elysee ya Parîsê hevdîtinek pêk anîn.

Mesrûr Barzanî piştî peywendiyên xwe yên li Îmaratê, îro Pêncşemê tevî şanda xwe çû paytexta Fransayê, Parîsê.

Di hevdîtina Mesrûr Barzanî û Emmanuel Macron de pêşxistina peywendiyên aborî yên Hewlêr û Parîsê û her wiha mijarên ewlehiyê hatin gotûbêjkirin.

Mesrûr Barzanî li ser hesabê xwe yê Twitterê li ser hevdîtinê got, “Em bi hev re bûne alîkar ku cîhanê ji DAIŞê biparêzin. Niha em peywediyên bazirganî û veberhênanê ava dikin da ku gelên xwe biparêzin.”

Serokwezîr Barzanî, Fransa wek hevpeymaeke xwedî nêrîneke hevbeş di warê bihêzkirina asayîşa navçe û Ewropayê de bi nav kir.

Pleased to see President @EmmanuelMacron in the Élysée today.

Together we helped safeguard the world from ISIS. Now we’re building trade and investment ties to sustain our peoples.

France is an ally with a common vision; enhancing our region and the security of Europe -mb. pic.twitter.com/qytdX7kBMc

— Masrour Barzani (@masrourbarzani) February 16, 2023

Fransa endamê Hevpeymaniya Navdewletî ya li dijî DAIŞê ye û yek ji wan welatan e ku di şerê li dijî DAIŞê de piştevaniya herî zêde dike.

Fransa bi 1000 leşkeran beşdarî Hevpeymaniya Navdewletî ya li dijî DAIŞê li Iraq û Sûriyê bûye, ji sala 2014an ve hezar û 459 êrîşên esmanî li Iraq û Sûriyê pêk anîne û 2 hezar û 251 cihên DAIŞê jinav birine.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger