Sydney: Di bûyera dîlgirtinê de 3 kes hatin kuştin

Hewlêr (Rûdaw) - Polîsê Awustralyayê ragihand ku di bûyera bajarê Sydney de 2 dîl ligel wî çekdarê ku ew weke dîl girtibûn, hatin kuştin, herwiha 4 kesên din jî birîndar bûn.

Îro danê sibehê çekdarekî ku bi eslê xwe îranî bû û navê wî Mihemed Hesen Mentiqî ku jê re digotin “Şêx Harûn” bû, nêzîkî 20 kesên di nav kafêyekê li bajarê Sydney de dîl girtibû.

Lê piştî 16 saetan polîsên Awustralyayê ew rehîne rizgar kirin lê 2 ji wan ligel wî çekdarî hatin kuştin.

Polîsê Sydney ragihand ku wî çekdarî ew rehîne neçar kiribûn ku alayeke reş hildin û got, ew çekdar bi tohmeta destdirêjiya seksî hatibû tawanbarkirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger