Hewlêr (Rûdaw) - Wezareta Derve ya Amerîkayê rapora xwe ya mafên mirovan a 2021ê ya di derbarê rewşa Sûriyê û Rojavayê Kurdistanê de belav kir. Di raporê de hat ragihandin ku DAIŞ û grûpên ser bi Tirkiyê Kurdan dikin armanc.
Rapora Wezareta Derve ya Amerîka ya Mafên Mirovan a 2021ê hat belav kirin û tê de behsa rewşa li Sûriyê û Rojavayê Kurdistanê dike, dibêje grupên çekdar ser bi Tirkiyê ve di îşkencekirin û revandina Kurdan de berdewam e.
Herwiha di raporê de hat diyarkirin ku Hikûmeta Sûriyê û DAIŞ bi berdewamî welatiyên Kurd dikin armanc.
Di beşeke din a raporê de hat desnîşankirin ku Hêzên Sûriya Demokratîk (HSD) kesan ku rexne lê digrin tên girtin.
Naveroka Wezareta Derve ya Amerîkiya wiha ye:
Hikûmeta Sûriyê
- Hikûmeta Beşar Esed û grûpên çekdar ser bi Tirkiyê ve û DAIŞ welatiyên Kurd Armanc kirine.
- Hizba Beis û Elewiyan hersê desthilatên Sûriyê, Artêş û dezgehên istixbaratê control kirine.
- Ti nûnerêkî Kurdan li Parlemna Sûriyê nine û ji aliyê Beis ve hatiye kontrolkirin.
- Rejîma Sûriyê berdewam e li ser sînordarkirina bikaranîna zimanê kurdî û belavkirin û çapkirina bi Kurdî.
- Kurd çi yên xwedî nasname yan jî ewê ku nine, rûbirûyî cudakarî û serkutkirina fermî û civakî dibin.
- Hikûmet, opozisyon û DAIŞ berdewam bûn li ser girtin, îşkencekirin û kuştina Kurdan.
- Grûpên ser bi hikûmeta demkî ku Tirkiyê piştevaniya wê dike, dest bi girtin, lêdan û revandina jinên Kurd li Efrîn û Serê Kaniyê kiriye.
- Hejmareke zêde ya Kurdên Sûriyê bê nasname ne û zarokên wan nikarin bawernameyên dibistan, zanîngehan bidest bixin û nayên damezrandin.
Grûpên Çekdar
- Ti sînorekî diyarkirî ji bo hêzên cuda nine û bi awyaekî bêserûber destwerdanê li Karûbarê serbazî de dikin.
- Şam, Opozisyon û DAIŞ dijayetiya Kurdan dikin.
- Grûpên ser bi Tirkiyê ve, 237 kes girtine, 133 kes heya niha winda ne, di nava wan de jin û zarok hene.
- Grûpên çekdar kesên kudi saziyên Rêveberiya Xweser de kar kiribin yan jî peywendî bi HSD re hebin, digirin.
- Hikûmeta demkî Lêkolîn li tawanên dizîna otombîlan û heya kuştina welatiyan nekiriye.
- Sîstema dadwerî ya hikûmeta demkî ji aliyê Tirkiyê ve tê destnîşankirin û mûçeyên wan jî bi lîreya Tirkî ye.
- Çekdarên ser bi Tirkiyî gefa stendina bac li xelkê Efrîn û Serê Kaniyê dikin, xelkê direvênin û îşkence dikin.
- Belge hene ku grûpên ser bi Tirkiyê binpêkirinên dijî mafên mirov weke destdirêjiya seksî û corên din encam dane û ev tawanên şer in.
- Jinên Êzdî û Kurd, li cem hikûmeta demkî sivkatî bi awayekî herî xirab tê kirin.
- Grûpên çekdar av li ser Heseke qut kirine
HSD
Li aliyê di di rapora Wezareta Derve ya Amerîkiya de hat ragihandin ku HSDê çalakvan û karmendan rêkxistinên ne hikûmî û kesên din ên ku rexneyan lê digirtin, tên desteserkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse