Hewlêr (Rûdaw) - Şandeyeke Rojavayê Kurdistanê çû Swîsreyê û bi parlamenterên Swîsreyê re civiya.
Li gorî çavkaniyên Rêveberiya Xweser, şandeya Rojavayê Kurdistanê ji Nûnerê Rêveberiya Xweser ê Ewropayê Ebdulkerîm Umer û Hevseroka Ofîsa Rêveberiya Xweser a Swîsreyê Mîdiya Hesenê pêk tê.
Ev şandeya Rojavayê Kurdistanê li Berna paytexta Swîsreyê, bi çend parlamenter û senatorên Partiya Sosyalîst û Partiya Kesk ên Swîsreyê re civiya.
Ji sedî 50ê birevebiran jin in
Ebdulkerîm Umer di civînê de da zanîn ku hemû pêkhate beşdarî birêveberina Rêveberiya Xweser dibin û ji sedî 50ê birevebiran jin in.
Ebdulkerîm Umer herwiha ragihand ku Rêveberiya Xweser dixwaze Sûriyeyeke demokratîk û nenavendî ava bike.
Umer detsnîşan kir ku ew îdiayên ku dibêjin “Rêveberiya Xweser projeyeke cudaxwaziyê ye” ne rast in.
Nûnerê Rêveberiya Xweser ê Ewropayê Ebdulkerîm Umer bal kişand ser êrişên Tirkiyeyê û got ku Tirkiye dixwaze tecrubeya Rêveberiya Xweser ji holê rake.
Piştigiriyê didin Rêveberiya Xweser
Parlamenter û senatorên Swîsreyê diyar kir ku ew piştgiriyê didin hebûn û berdewamiya Rêveberiya Xweser.
Parlamenter û senatorên Swîsreyê herwiha helwesta xwe ya li dijî êrişên Tirkiyeyê jî anî zimên.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse