Di mitînga Trump de êrişa çekdarî: Ji guhê xwe birîndar bû

Hewlêr (Rûdaw) - Di mîtînga namzedê serokatiya Amerîkayê Donald Trump a li Pensilvanyayê de gule hatin reşandin û di encamê de Trump birîndar bû.

Li Pensilvanyayê di dema mitîngê de, bi çekê êrişî serokê berê yê Amerêkayê û namzedê Komariyan yê serokkomariya Amerrîkayê Donald Trump hat kirin.

Di dîmenan de diyar dibe ku piştî dengê guleyan tê bihîstin, Trump dest diavêje guhe xwe û paşê jî xwe berdide ser çoka xwe.

Di êrişê de Trump ji guhê xwe yê rastê birîndar bû.

Dîmenên destpêkî yên êrişa li dijî serokê berê yê #Amerika`yê Donald #Trump pic.twitter.com/mfyCcb34iI

— RudawKurdi (@RudawKurdi) July 14, 2024

Pasavanên Trump ew ji cihê bûyerê dûr xist.

Trump di daxuyaniya xwe ya ewil a piştî bûyerê de got, "Ez baş im û niha têm dermankirin."

Lêpirsîn berdewam dike ka li hemberî Trump hewla sûîqestê heye yan na.

Dîmenên yekem kelîyên piştî êrişê

Parêzvanên Trump wî ji cihê bûyerê dûr dixin û ew jî kulma xwe radike hewayê pic.twitter.com/hAU3cAhC1R

— RudawKurdi (@RudawKurdi) July 14, 2024

Biden êriş şermezar kir

Li aliyê din, Serokê Amerîkayê Joe Biden derbarê êrişa li Trump hatiye kirin daxuyanî da û êriş şermezar kir.

Biden da zanîn ku ew hatiye agahdarkirin ku di mitînga li Pensilvanyayê de êrişî Trump hatiye kirin û got:

“Ez kêfxweş im ku Trump biselatmet e û rewşa wî baş e.

Ez diayan ji bo Trump, malbata wî û hemû kesên li mitîngê amade bûn dikim.”

Biden herwiha spasiya hêzên ewlehiyê kir ku wan Trump biselametî jî cihê bûyerê dûr xistiye û got:

“Cihê vê cûre êrişî bi ti awayî li Amerîkayê nîne. Divê em wekî netewe hemû vê bûyerê şermezar bikin."

Piştî êrişî serokê berê yê Amerêkayê û namzedê Komariyan yê serokkomariyê Donald #Trump wiha berteka xwe nîşan da pic.twitter.com/lcbUC0C65v

— RudawKurdi (@RudawKurdi) July 14, 2024

Peyama Obama

Serokê berê yê Amerîkayê Barack Obama jî peyamek belav kir û ji Trump re hêviya şîfayê xwest.

Barack Obama di peyama xwe de wiha got:

"Her çend e em hîn jî nizanin çi qewimiye lê divê em spasdar bin ku Donald Trump bi giranî birîndar nebûye.

Ez û Michelle jê re şîfayê dixwazin."

Tê nûkirin...

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger