Biryar hat dan dengên wîlayeta Georgia bi dest bêne hejmartin

Hewlêr (Rûdaw) – Berpirsên hilbijartinê li wîlayeta Georgia ya Amerîkayê biryar dan, dengên hilbijartina serokatiya Amerîkayê li vê wîlayetê bi dest bêne hejmartin.

Sekreterê wîlayeta Georgia, Brad Rafenspriger ragihand, ew dixwazin di dawiya vê heftiyê de hejmartina dengên hilbijartina serokatiyê bi dest bikin û çaverê dikin ku heta 20ê mehê jî ev yek berdewam be.

Li wîlayeta Georgia 5 milyon kesan mafê dengdanê hebûn û berbijêrê Demokratan Joe Biden bi 14 hezar dengan li pêş Donald Trump e.

Di proseya hejmartina dengan bi dest de, destpêkê deng dê bi dest bêne cudakirin û paşê dengên her berbijêrekî dê bi amûr bêne hejmartin.

Donald Trump 217 kursiyê encûmena hilbijartinê misoger kirine, di demekê de ku Joe Biden heta niha 290 kursiyên vê encûmenê bidestxistiye û li gor encamên niha, Biden serokê hilbijartî yê Amerîkayê ye.

Pêwîstiya Trump bi 53 kursiyên din ên encûmena hilbijartinê heye, daku bikare 270 kursiyên pêwîst ji bo mana di posta serokatiyê de misoger bike.

Niha tîma kempîna Trump, li ser encamên dengên wîlayetên Gerorgia, Pennsylvania û Arîzonayê gilî tomar kirine û bi wê yekê Trump hewl dide, 47 kursiyên encûmena hilbijartinê yên wan wîlayetan ji Biden werbigire û li gel 15 kursiyên North Carolîna, hejmara kursiyên xwe bigihîne 279an.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger