Li Zanîngeha Lînzê 37 xwendevan derçûn, di nav wan de 2 xwendevanên Kurdên Rojavayê Kurdistanê hebûn
Hewlêr (Rûdaw) - Li Nemsayê du ciwanên Rojavayê Kurdistanê diploma di warê civakî de bidest xistin.
Li bajarê Lînz ê Nemsa du xwendeavnên Kurd di karê alîkarî, rêberiya civakî û gelek xizmetguzariyên cuda de diploma wergirtin.
Li Zanîngeha Lînzê 37 xwendevan derçûn, di nav wan de 2 xwendevanên Kurdên Rojavayê Kurdistanê hebûn, yek ji wan Xaliye Ebas Hiso ye û yê din jî Rêzan Xelîl bûn.
Xaliye Ebas Hiso ji bajarokê Tirbe Spiyê ye û 13 salin li Nemsayê dijî, wê him xwendina xwe dikir û him jî li gel rêxistina Diakonie ya xêrxwazî kar dike.
Rêzan Xelîl ji bajarê Hesekê ye, ew jî li heman rêxistinê kar dike û wî jî diploma di warê civakî de ji Zanîngeha Lînzê bidest xistiye.
Karê Xaliye û Rêzan piştî wergirtina wê diplomeyê dê pêşkêşkirina şêwirmendî herwiha çareserkirina pisrgirêkên civakî yên kesên 18 salî, li gel pirsgirêkên civakî yên di nava malbatê de be.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse