Brûksel (Rûdaw) – Biryare îro li baregaha sereke ya NATOyê li Brûksela paytexta Balçîka civîna serokên welatên enndamên wê hevpeymaniyê dest pê dike.
Lûtkeya NATOyê dê di navbera 11 û 12ê Tîrmehê de birêve biçe û ev yekemîn civîna dewlet û hikûmetên endamên NATOyê ye, ku li baregaha nû ya NATOyê tê sazkirin.
Serok û berpirsên 29 endamên welatên cîhanê dê beşdarî lûtkeyê bibin.
Serokê Tirkiyê Recep Tayyîp Erdogan jî dê beşdarî civînê bibe û tê payîn li gel Serokê Amerîkayê Donald Trump, Serokê Fransayê Emmanuel Macron, Serokwezîra Brîtanyayê Theresa May û çend berpirs3en Yekîtiya Ewropayê hevdîtinan bike.
Li gorî medyaya Tirkiyê di hevdîtinên Erdogan de dê mijarên weke kirîna sîstema mûşekên S-400 ên rûsî, rewşa Sûriyê û peywendiyên Amerîka û YPGê jî werin rojevê.
Di dema lûtkeyê de dê helîkopterên şer ên welatên hevpeymaniya NATOyê jî nimayîşekî bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse