Hewlêr (Rûdaw) – Lîstikavana Sînemayê ya bi nav û deng Angelina Jolie ragihand ku alîkariyê ji ziyapêketiyên erdhejê yên li Sûriye û Tirkiye re dişîne.
Lîstikavana Sînemayê Angelina Jolie, li ser hesabê xwe yê Instagramê ligell belavkirina dîmenên erdheja Bakurê Kurdistanê û Tirkiye û Rojavayê Kurdistanê û Sûriye ragihand ku dê alîkariyê ji deverên erdhejê re bişîne û daxwaz kir her kes alîkariyê ji mexdûrên erdhejê re bişînin.
Angelina Jolie bi belavkirina dîmenên erdheja 6ê Sibatê ya Mereşê ku bandûr li 10 parêzgehên Bakurê Kurdistanê û Tirkiyê, Rojavayê Kurdistanê û Sûriye, li ser hesabê xwe yê Instagramê ragihand ku ew dixwaze alîkariyê ji tîmên Kumsipan ên li Sûriye û Rojavayê Kurdistanê kar û xebata lêgerîn û rizgarkirinê dimeşînin û Turkish Philanthropy Funds a Tirkiyê re bişîne û nivîsî: "Dilê min bi gelê Sûriye û Tirkiye re ye. Êşên ku gelek malbatan kişandîn mirov nikare xeyal jî bike. "
Her wiha Angelina Jolie dibêje, "Ez hêvî dikim yên din jî alîkariyê bişînin, bi vî awayî dê bikaribin gelek kesên din jî rizgar bikin."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse