Li Fransayê du tramvay li hev qelibîn: Bi dehan kes birîndar bûn

Hewlêr (Rûdaw) - Li bajarê Strazburgê yê Fransayê du tramvay li hev qelibîn û di encamê de 30 kes birîndar bûn.

Li gor nûçeyên medyaya Fransayê li metroya Strazburgê du tramvay ji ber sedemeke hîn jî nayê zanîn li hev qelibîn.

Di qezayê de kêm zêde 30 kes birîndar bûn.

Yek ji tramvayan ji ber tesîra qelibînê ji rêhesinê derket.

Di dîmenên li ser medyaya civakî hatine belavkirin de xuya dike ku ji tramvayên qeza kirine dûman bilind dibe û mirov hewl didin ku deriyan vekin.

Her wiha tê dîtin ku birîndar li erdê razane û gelek kes bi panîkê dibezin