10 roj mabûn ji hilbijartinan re: Berbijêrê serokatiyê hat kuştin

Hewlêr (Rûdaw) - Li Ekvadorê berî hilbijartina serokatiya wî welatî, berbijêrê serokatiyê Fernando Villavicencio yê bi "helwesta xwe ya li dijî gendeliyê" naskirî ye, di êrîşeke çekdarî de hat kuştin.

Biryar e 20ê Tebaxa îsal li Ekvadorê hilbijartinên serokatiyê werine kirin.

Li gorî medyaya Ekvadorê, piştî çalakiyeke li paytexta wî welatî Kitoyê, Fernando Villavicencio dema li otomobîla xwe siwar dibû, êrîşkarekî 3 gule berdan serê wî û ew kuşt.

Serdozgerê Ekvadorê di daxuyaniya ya li ser hesabê xwe yê medyaya civakî de diyar kir ku êrîşkar di pevçûna li gel hêzên ewlehiyê de hat kuştin.

Herwiha hat destnîşankirin, di êrîşê de 9 kes jî birîndar bûn ku yek jê namzedê parlamenteriyê ye û du jî polîs in.

Li Ekvadorê berbijêrê serokatiyê #FernandoVillavicencio hat kuştin pic.twitter.com/vz6u8YP2J6

— RudawKurdi (@RudawKurdi) August 10, 2023

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger