Birêvebiriya Civaka Kurd a Hamburgê hat hilbijartin

Hewlêr (Rûdaw) – Bi beşdariya Civaka Kurd a Almanyayê, îro birêvebiriya Civaka Kurd a Hamburgê hat hilbijartin.

Alîkarê Serokê Civaka Kurd a Almanyayê Mehmet Tanriverdî ji Rûdawê re ragihand ku îro komîteya birêvebir a Civaka Kurd a Hamburgê hat hilbijatin.

Mehmet Tanriverdî diyar kir ku civîna îro ya li bajarê Hamburgê yê Almanyayê, bi beşdariya 35 gencên Kurd û amadebûna Serokê Civaka Kurd a Almanyayê Alî Ertan Toprak pêk hat.

Bi gotina Mehmet Tanriverdî 7 kes ji bo birêvebiriya Civaka Kurd a Hamburgê hatin hilbijartin.

Azad Irmak wekî serok û Ozlem Erk jî wekî alîkarê serok hat hilbijartin.

Tanriverdî da zanîn ku Civaka Kurd a Hamburgê dixwaze ji bo Kurdên li wê derê kar bike.

Civaka Kurd a Almanyayê (Kurdische Gemeinde Deutschland) rêxistineke sîwan a rêxistinên Kurdan a li Almanyayê ye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger