Yekîtiya Ewropayê êdî dikare kesayet, sazî û rêxistinan ceza bike

Hewlêr (Rûdaw) - Yekîtiya Ewropa sîstemeke nû pesend kir ku rê dide wê yekîtiyê, sazî, rêkxistin û kesên ku mafên mirovan binpê dikin, ceza bike.

Konseya Ewropayê daxuyaniyek da û got, di civîna wezîrên derve yên welatên endam de li Brukselê sîstemek hate pesendkirin ku rê dide Yekîtiya Ewropayê li ser asta cîhanî kesayet û dewletên ku mafên mirovan binpê dikin, bike armanc.

Cezayên Yekîtiya Ewropayş bo wan kes û dewletan, ji qedexekirina geştkirinê, destdanîna ser mal û milkê wan û nedana fonan pêk tên.

Binpêkirinên weke qirkirin, êşkencekirin û tawanên li dijî mirovahiyê, koletî, kuştina bê dadgeh, girtin û desteserkirina kêyfî dê ji aliyê Yekîtiya Ewropayşê ve bêne cezakirin.

Biryara cezakirinê bi pêşniyara welatekî endam yan jî Berpirsê Ewlekarî û Siyaseta Derve ya Yekîtiya Ewropayê tê dayîn.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger