Hewlêr (Rûdaw) - welatê Ekvadorê yê Amerîkayê di pevçûn û aloziya di navbera komên tawanbaran ên li girtîgehê de 5 girtî hatin kuştin û 3 girtî jî birîndar bûn.
Li gorî nûçeyê medyaya Ekvadorê, li Girtîgeha Pichincha ya li bakurê paytexta wî welatî bajarê Quitoyê di navbera girtiyan de pevçûn derket.
Di pevçûnan de heta niha 5 girtiyan canê xwe ji dest dane û 3 girtî jî birîndar bûne.
Ajansa Neteweyî ya Girtîgehan (SNAI) jî diyar kir ku di navbera komên tawanên organîze de şer derketiye û gelek hêzên ewlehiyê ji bo kontrolkirina girtîgehê destwerdan kirine.
Di 4ê Cotmehê de jî li Girtîgeha Litoral a Ekvadorê di navbera girtiyan de pevçûn derketibû û di encamê de 21 kesan jiyana xwe ji dest dabûn û 66 kes jî birîndar bûbûn.
Li Ekvadorê pirsgirêka girtîgehan
Li Ekvadorê li 65 girtîgehên ku kapasîteya wan 30 hezarî ye, nêzîkî 39 hezar girtî û mehkûm hene. Bûyerên di navbera çeteyan de û serhildan carinan dibin sedema canjidestdanê.
Ji par ve li Ekvadorê di bûyerên tundiya navbera çeteyên hevrik de zêdeyî 450 girtiyan jiyana xwe ji dest dabûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse