Xelata Nobelê ya Aştiyê rojnamevanan wergirt

RÛDAW

Hewlêr (Rûdaw) - Xelata Nobelê ya Aştiyê ya 2021an rojnamevanên ku li Fîlîpîn û Rûsyayê yên ku ji bo azadiya derbirînê têkoşîn dikirin wergirtin.

Rojnamevana ji Fîlîpînê Maria Ressa û yê ji Rûsyayê Dmitry Muratov yên ji bo azadiya derbirînê têkoşîn dikirin layiqî Xelata Nobelê ya Aştiyê ya 2021an hatin dîtin.

Akademiya Nobelê li ser hesabê xwe yê Twitterê kesên ku Xelata Nobelê ya Aştiyê wergirtine eşkere kir û dibêje “Komîteya Nobelê ya Norwêcî ji ber hewildanên wan ên ji bo parastina azadiya derbirînê, ku ev ji bo demokrasî û aşitiyek domdar şertek e, biryar da ku Xelata Nobelê ya Aştiyê ya 2021an bide Maria Ressa û Dmitry Muratov.”