Komarî 60 milyon dolar ji bo şerê yasayî yê li hember Biden kom dikin

Hewlêr (Rûdaw) - Çavkaniyên agahdar ên ji nav Partiya Komarî ya Amerîkayê aşkere dikin, ew partî dixwaze bi qasî 60 milyon dolar kom bike ji bo şerê yasayî yê li hember Demokratan.

Kampeynên Donald Trump heta niha zîncîreyek skalayên yasayî li ser hilbijartinên serokatiya Amerîkayê tomar kirine, skala li ser çend wîlayetên ciyawaz in û ew wîlayet in ku destpêkê Trump li pêş bû, lê bi cudakirina dengan Biden pêş ket û nêzîk bû li Koşka Spî.

Komekbexşekî Komarî ji ajansa Reutersê re ragihand, Komariyan daxwaza 60 milyon dolar ji komekbexşên alîgirên partiya xwe kirine, ji bo zêdekirina skalayan û berdewambûna li ser cenga yasayî.

Heta niha encam pêşkeftina Joe Biden di hilbijartinan de derdixin û Biden 264 kursî misoger kirine û Trump jî heta niha 214 kursî bidest xistine. Ji bo serokatiyê jî pêwîstî bi 270 kursiyan e.

Hinek çavkaniyên din ên di nav Partiya Komarî aşkere kirine, ew partî xwe ji bo cengeke yasayî ya dijwar û dirêj amade dike û pêwîstî bi 100 milyon dolar heye ji bo paredarkirina wan kampeynên yasayî.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger