Li Almanyayê pirsgirêka karmendan: Partiyek ji bo koçberan daxwaza zêdekirina derfetan dike

Hewlêr (Rûdaw) – Partiya Keskan a Almanyayê ku beşeke hikûmetê ye, ji bo kesên ku li Almanyayê serlêdana rûniştinê kirine, bêhtir hêsankariyê dixwazin.

Partiya Keskan diyar kir ku divê mafê xebatê zûtir û hêsantir were dayîn.

Hevseroka fraksiyona Keskan a Parlamentoya Ewropayê Katarina Druge yek ji wan kesan e ku li ser navê Keskan planeke ku ji 15 xalan pêk tê ji bo hêsankirina karên koçberan ragihand.

Katarina Druge destnîşan kir ku ji şofêrên otobûsan heta endazyaran û hemşîreyan li her derê Almanyayê kêmbûna karmendên pispor heye.

Li gorî Katarina Druge, tenê bi vî awayî koçberekî ku çûye Almanyayê û li wir jiyaye divê karibe bixebite.

Li gorî agahiyên Rûdawê, Almanya di nîvê yekem a îsal de vîzeya kar daye 80 hezar kesan ku nîvê wan kesên pispor bûne.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger