Xwepêşandanên li dijî civîna lûtkeya G20 li bajarê Hamburgê yê Almanyayê rastî tundûtîjiyê hatin.
Hamburg (Rûdaw) – Di xwepêşandanên li dijî birêveçûna civîna lûtkeya G 20 ên li bajarê Hamburgê yê Almanyayê de, 159 kes birîndar bûn û 45 kes jî hatin desteserkirin.
Li dijî birêveçûna lûtkeya G 20 li bajarê Hamburg ê Almanyayê, îro înê 7ê Tîrmeha 2017ê bi hezaran kesan xwepêşandan kirin.
Xwepêşanderan hewl dan nêzîkî cihê birêveçûna civîna lûtkeya G 20 bibin, lê belê hêzên polîs rêgirî ji nêzîkbûna xwepêşanderan kirin û bi ava şid û batoman êrişî xwepêşanderan kirin.
Di encama hewldana polîsan bo belavkirina xwepêşanderan de, tundûtîjî derket û xwepêşanderên nerazî bi tundî rûbirûyê hêzên polîs ên Almanyayê rawestiyan û di nava cade û kolanan de agir hil kirin.
Bi gotina rayedarên polîsê Almanyayê, di encama tundûtîjiyên xwepêşandana îro ya li Hamburgê de, 159 kes birîndar bûne ku piraniya wan polîs in.
Herwiha di bûyerên îro de 45 xwepêşander jî hatine desteserkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse