Hewlêr (Rûdaw) - Wezîrê Karên Derve yê Çînê Vang Yi derbarê krîza mirovî ya li Xezeyê got, “Di sedsala 21emîn de astengnekirina vê krîza însanî trajediya mirovahiyê û şerma şaristaniyê ye."
Wezîrê Karên Derve yê Çînê Vang Yi li Pekînê di civîna çapemeniyê ya bi sernavê "Polîtîkaya Derve û Têkiliyên Derve yên Çînê" de axivî.
Ev civîn di çarçoveya lijneya giştî ya salane ya Kongreya Neteweyî ya Gel a Çînê de hat lidarxistin.
Vang Yi bal kişand ser êrişên li Xezeyê got:
"Di sedsala 21emîn de astengnekirina vê krîza însanî trajediya mirovahiyê û şerma şaristaniyê ye.
Ti tiştekî ku karibe dema vê pevçûnê dirêj bike û kuştina gelê sivîl meşrû bike tune."
“Mafê xelkê Xezeyê jî heye ku li vê dinyayê bijî”
Vang Yi herwiha diyar kir ku divê civaka navneteweyî ji bo agirbesta lezgîn tevbigere û ewlehiya alîkariyên mirovî wekî erkeke exlaqî biparêze û wiha dewam kir:
"Mafê xelkê Xezeyê jî heye ku li vê dinyayê bijî.
Jin û zarok layîq in ku bi malbatên xwe re di nav ewlehiyê de bin.
Divê hemû dîl bên berdan. Hemû tevgerên zirerê didin sivîlan divê bên rawestandin."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse