Hewlêr (Rûdaw) - Balyozxaneya Japonyayê ya Tirkiyeyê ragihand ku Hikûmeta Japonyayê, PKK ji “lîsteya rêxistinên qedexekirî” dernexistiye.
Berî çend rojan hatibû ragihandin ku Ajansa Îstixbarat û Ewlehiya Gel a Japonayayê (PSIA) li ser malpera xwe ya fermî PKK ji “lîsteya rêxistinên qedexekirî” derxistiye.
Balyozxaneya Japonyayê ya Tirkiyeyê piştî belavbûna vê nûçeyê û nerazîbûna beşek ji berpirsên Enqereyê li ser mijarê daxuyaniyeke nivîskî belav kir.
Balyozxaneya Japonyayê ragihand ku wan PKK ji “lîsteya rêxistinên qedexekirî” dernexistiye û tekez kir ku di polîtîkaya Hikûmeta Japonyayê ya li ser PKKyê de ti guherînek çênebûye.
Balyozxaneya Japonyayê ya Tirkiyeyê di daxuyaniya xwe de got:
“Websiteya Ajansa Îsrixbarat û Ewlehiya Gel a Japonayayê roja borî hatiye nûkirin û ew mijara ku behsa wê tê kirin niha hatiye jêbirin.
Hikûmeta Japonyayê sala 2002yan PKK xiste rêxistinên terorî û wan rêxistinên ku divê mal û milkê wan bê ragirtin û çalakiyên terorî yên ji aliyê PKKyê ve tên kirin şermezar dike.
Di polîtîkaya Hikûmeta Japonyayê de ti guherîn nînin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse