Hewlêr (Rûdaw) - Hunermenda Kurd Hozan Canê beşdarî Civîna 67emîn a Komîsyona Statuya Jinê ya Neteweyên Yekbûyî ya ku li navenda Netewên Yekbûyî New Yorkê tê lidarxistin dibe.
Civîna şêst û heftemîn a Komîsyona Statuya Jinê ya Neteweyên Yekbûyî (CSW) dê di navbera 6-17ê Adara 2023'an de li navenda Netewên Yekbûyî bajarê New Yorkê yê Amerîkayê bê lidarxistin.
Di Panela Jinan a li Tirkiyeyê ya 67emîn Rûniştina Statuya Jinê ya Neteweyên Yekbûyî Hunermenda Kurd a navdar Hozan Canê jî beşdar dibe.
Hozan Canê di derbarê mijarê de li ser hesabê xwe yê twitterê daxuyaniyek belab kir û wiha dibêje “Ji bo Yekitiya Netewan li New York hatim dewetkirin, ji bo min û gelê Kurd cihe rûmetê ye û şanezîyê ye Spas dikim, bibim denge bi hezara Jinen Kurd û Tirk û Zarokê zindanan da di bin tecrît û îşkencedane. Denge wan bigîhînim tevahîya Cîhanê”
Ji bo Yekitiya https://t.co/s8H0h4SMZt New York hatim Dewetkirin, ji bo min û gele kürd cîhe rûmete'ye û şanezîyê'ye Spas dikim, Bibim denge bi hezara Jinen Kurd û Tirk û Zarokê zindana'da di bin tecrît û îşkencedane. Denge wan bigîhînim tevahîya Cîhanê, @medyahabertvv… https://t.co/3umYBvLFQj pic.twitter.com/AxgB17rG9g
— Hozan Canê (@CaneHozan) March 4, 2023
Nûnerên Dewletên Endam, saziyên Neteweyên Yekbûyî, û rêxistinên nehikûmî yên pejirandî ji hemî herêmên cîhanê têne vexwendin ku beşdarî rûniştinê bibin.
Di daxuyaniya CSW de, di rûniştina ku ji çar aliyên cîhanê rojnamevan, nivîskar û aktîvîst beşdar bûn de, dê beşdar bi armanca hişyarkirina rewşa mafên jinan li welatên xwe û perwerdehiyê, axaftinan bikin.
Mijara mijara serke ya îsal “Nûbûn û guhertina teknolojîk, û perwerde di serdema dîjîtal de ji bo bidestxistina wekheviya zayendî û bihêzkirina hemî jin û keçan” e
Mijara nirxandinê jî “Zehmetî û derfet ji bo bidestxistina wekheviya zayendî û bihêzkirina jin û keçên gundewarî” be.
Wekî saziya sereke ya cîhanî ya nav-hikûmetê ku ji bo pêşvebirina wekheviya zayendî û bihêzkirina jinan hatiye veqetandin, komîsyon di pêşvebirina mafên jin û keçan li çaraliyê cîhanê de rolek girîng dilîze.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse