Hewlêr (Rûdaw) - Hilbijartinên Serokatiya Amerîkayê serê 4 salan carekê tên kirin.
Ev gera 60emîn e û dê Serokê Amerîkayê yê 47emîn were hilbijartin.
Hilbijartinên yekem ên Serokatiya Amerîkayê sala 1788an hatin kirin û George Washington wekî serokê yekem ê Amerîkayê hat hilbijartin.
Hemû hilbijartinên Serokatiya Amerîkayê roja sêşema yekem a meha çiriya paşîn tên kirin.
Bi gelemperî, li Amerîkayê 2 cure dengdan hene: Dengdana pêşwext û ya asayî.
Dengdana pêşwext 20ê Îlonê de dest pê kir û heta niha nêzîkî 80 milyon kesî deng daye.
Di nav wan de Serokê Amerîkayê Joe Biden û Alîkara Serokê Amerîkayê û Namzeda Demokratan Kamala Harris jî hene.
Serok çawa tê hilbijartin?
Pêşbirka germ di navbera Namzedê Komariyan Donald Trump (Partiya Sor) û Namzeda Demokratan Kamala Harrisê (Partiya Şîn) de ye.
Li Amerîkayê 50 eyalet hene û her eyalet delegeyên xwe hildibijêre.
Delege li gorî nifûsa eyaletan tên destnîşankirin û bi tevahî 538 delege hene.
Wekî mînak nifûsa Kalîforniyayê 38 milyon û 970 hezar e û 54 delegeyên wê hene.
Anku ji bo 721 hezar û 666 kesan delegeyek heye.
Li hêla din, nifûsa eyaleta Wyomingê 580 hezar 202 ye û tenê 3 delegeyên wê hene.
Wekî mînak, heger Donald Trump li Kalîforniyayê 5 milyon dengan û Kamala Harris jî 5 milyon û dengekî bistîne di vê rewşê de Kamala Harris dê her 54 delegeyan bistîne û hejmara delegeyên Donald Trump dê 0 be.
Dirûşma hilbijartinên Amerîkayê, “Serkeftî hemû delegeyan dibe” ye.
Serok ji bo 4 salan tê hilbijartin û pêdiviya wî bi 270 delegeyan heye.
Li gorî rapirsiyan, Trump niha 219 û Harris jî 211 delegeyan distine.
Heger Trump 270 û Harris jî 269 delegeyan bistîne wê demê Trump dê bibe Serokê Amerîkayê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse