ALMANYA - Jineke 65 salî li nexweşxaneyê gelek kes dîl girtin
Hewlêr (Rûdaw) - Li nexweşxaneyeke bajarê Aachenê yê Almanyayê jineke 65 salî gelek kes dîl girtine.
Polîsan bi çekên sivik û giran derdora nexweşxaneyê dopêç kiriye.
Li gorî medyaya Almanyayê çekdarekî/ê li Nexweşxaneya Luisenê ya bajarê Aachenê gelek kes dîl girtine.
Herwiha polîsan rêyên derdora nexweşxaneyê ji çûn û hatinê re girtine û ji welatiyan xwest ku xwe ji cihê bûyerê dûr bixin.
Polîsên Aachenê derbarê mijarê li ser hesabê xwe yê Xê daxuyaniyek belav kir û got:
“Niha li derdora Nexweşxaneya Luisenê operasyoneke mezin a polîsan pêk tê. Dê rê bên girtin û trafîka hesinî bê sînordarkirin.
Bi qasî ku pêkan xwe ji herêmê dûr bixin. Polîsê Aachenê ji bo we li ser kar e.”
Polîsan di beşeke din a daxuyaniya xwe de ragihand, “Polîs û tîmên agirkujê niha li nexweşxaneya Luisenê ya Aachenê li ser kar in.
Niha îşaretên rewşeke xeternak heye. Derdora nexweşxaneyê hatiye dorpêçkirin.”
Aktuell findet ein größerer #Polizei|einsatz im Umkreis des Luisenhospitals statt. Es kommt zu Straßensperrungen und Einschränkungen des Bahnverkehrs. Meiden Sie den Bereich weitläufig. Die Polizei #Aachen ist für Sie im Einsatz.
— Polizei NRW AC (@Polizei_NRW_AC) March 4, 2024
Li gorî zanyariyên destpêkê “gumanbar” jin e û 65 salî ye.
Heta niha kuştî û birîndar hene yan na ti zanyariyê nehatine bidestxistin.
Tê nûkirin...