Hewlêr (Rûdaw) - Serokê Amerîkayê Joe Biden ragihand ku wan dest bi bersivdayina êrşa baregehê kiriye û ev bersiva leşkerî "di dem û cîhên ku ew diyar dikin de" dê berdewam bike.
Ji ber êrişa ku li Urdunê 3 leşkerên Amerîkayê hatibûn kuştin, artêşa Amerîkayê dest bi operasyonê kir.
Hat ragihandin ku di qonaxa yekem de li Îraq û Sûriyeyê zêdetirî 85 hedefên Supaya Quds a Pasdarên Îranê û milîsên şîe yên ku Îran piştgiriya wan dike, hatine bombebarankirin.
Serokê Amerîkayê li ser êrişên esmanî daxuyaniyek da tê de wiha got:
Li ser fermana min, hêzên leşkerî yên Amerîkayê li Îraq û Sûriyeyê navendên ku ji aliyê Pasdarên Şoreşa Îranê û milîsên ku ew piştgirî dikin ji bo êrişî hêzên Amerîkayê bikin bikar tînin dan.
Têkoşîna me îro dest pê kir. Ew dê di dem û cihên ku em hilbijêrin de berdewam bike.”
Em ne li Rojhilata Navîn û ne jî li cihekî din pevçûnê naxwazin.
Lêbelê yên ku armanc dikin zirarê bidin me divê vê bizanibin: Eger hûn zirarê bidin Amerîkiyekî, em dê bersiv bidin.”
Amerîkayê yê ragihand ku ji ber êrişa 28ê Kanûna Paşîna 2024an ya li ser baregeha Amerîkayê ya li ser sînorê Sûriye-Urdunê, cara yekem li herêmê êriş pêk anîne.
Di wê êrişa li dijî baregeha Amerîkayê ya bi navê Tower 22 ya Urudunê de 3 leşkerên Amerîkayê hatibûn kuştin û zêdeyî 40 leşker jî birîndar bûbûn.
Rêvebiriya Amerîkayê ragihandibû ku li hember vê êrişê ew ê bi demê re êrişên piralî pêk bînin û komên ku Îran piştgiriya wan dike bibin hedef.
Fermandehiya Navendî ya Amerîkayê (CENTCOM) ragihand ku zêdetirî 85 hedefên Supaya Quds a Pasdarên Îranê û komên milîs ên girêdayî wê li Îraq û Sûriyeyê hatine bombebarankirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse