Encûmena Nûneran a Amerîkayê endameke Misilman ji Komîteya Karûbarên Derve dûr xist

Hewlêr (Rûdaw) - Endamên Komarî yên Encûmena Nûneran a Amerîkayê ji ber şîroveyên nûnera Demokrat Îlhan Omer ku wekî dijî Cihûyan nirxandin û ji Komîteya Karûbarên Derve ya Kongreyê dûr xistin.

Tevî Komarî dibêjin ev pêngav peyameke bihêz a li dijî antîsemîtîzmê ye lê Demokrat û Omer dibêjin ku ew tolhildanek e ji bo dûrxistina du Komariyan ji komîteyên sala 2020an, dema ku Demokrat di Encûmena Nûneran a Amerîkayê de piranî bûn.

Omer îdia kir ji ber ku ew jineke Misilman e ku wek penaber koçî Amerîkayê kiriye, hatiye dûrxistin.

Demeke kurt berî dengdanê Omer got, “Gelo kes mat ma ku ez hêja hatime dîtin ku li ser siyaseta derve ya Amerîkayê biaxivim?”

Komariyan piştî hilbijartinên meha Mijdarê di Encûmena Nûneran a Amerîkayê de piranî bi dest xistin.

Omar yek ji sê Demokratên payebilind e ku bi însiyatîfa piraniya Encûmena Nûneran a Amerîkayê a ku Kevin McCarthy serokatiya wê dike, ji komîteyê hate derxistin.

Di nav de McCarthy jî hin Komariyan destnîşan kirin ku divê Omer di Komîteya Karûbarên Derve de nexebite ji ber şîroveyên wê yên berê li ser Îsraîlê ku carinan ji aliyê endamên her du partiyan ve têne rexnekirin.

Omer di sala 2019an de lêborîna xwe xwestibû ji ber ku îdia kiribû ku ji ber pereyan piştgiriya Îsraîlê dikin.

Nancy Pelosi, Seroka wê demê Encûmena Nûneran a Demokrat, şîroveyên Omar wekî antîsemîtîk dîtibû û şermezar kiribû ji ber ku wê klîşeyeke li ser Cihû û pereyên wan gotibû.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger