4 heciyên ji Rojhilatê Kurdistanê koça dawî kirin

Hewlêr (Rûdaw) - Çar heciyên Rojhilatê Kurdistanê piştî ku li Mekkeyê merasîma Hec bi dawî kirin koça dawî kirin.

Rêveberê Giştî yê Hec ê Sineyê Kawe Şêrzadî îro Yekşemê ragihand, heciyê sêyem ji parêzgeha Sineyê Ebdullah Weysî yê 71 salî ku ji ber celteya dil li Mekkeyê koça dawî kir.

Rêvebera Giştî yê Hec ê Kirmaşanê Seîde Kerîmî Xû jî ragihand ku roja Şemiyê heciyê ji parêzgeha Kirmaşanê yê bi navê Mihemed Law Ebdullahî li bajarê Mekkeyê koça dawî kir. Heciyê 94 salî li Mekkeyê hat veşartin.

Şeva borî jî heciyekî din ê ji Merîwanê yê bi navê Salih Baqedem koça dawî kir. Beriya niha heciyê ji Baneyê yê bi navê Mistefa Mehmûdzade ku heciyê herî mezin ê Kurdistanê û Îranê bû di 111 saliya xwe de koça dawî kiribû.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger