Hilbijartin îro ne: Namzedekî din hat kuştin

Hewlêr (Rûdaw) - Li eyaleta Pueblayê ya Meksîkayê namzedekî din ê serokatiya şaredariyê dema xebatên hilbijartinê dikirin bi çekê hat kuştin.

Namzedê serokatiya şaredariyê Jorge Huerta Cabrera dema li bajarê Izucar de Matamorosê yê eyaleta Pueblayê xebatên hilbijartinê dimeşandin rastî êrişekê hat.

Hinek kesên ku heta niha jî nasnameya wan ne diyar e bi çekê êrişî Jorge Huerta Cabrera kir û ew li cihê êrişê mir.

Hevjîna wî û alîkarekî wî jî di heman êrişê de birîndar bûn.

Jose Alfredo Cabrera Barrientosê ku namzedê serokatiya şaredariya bajarê Coyuca de Benitezê bû jî 30ê Gulanê hatibû kuştin.

Li Meksîkayê îro hilbijartinên serokatiya dewletê û hilbijartinên herêmî tên kirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger