Balafirên hêzên hevpeyman 23 êriş li dijî DAIŞê pêk anîn

Hewlêr (Rûdaw) – Balafirên şer ên hêzên hevpeyman îro 23 êriş li dijî çekdarên DAIŞê li Kurdistan, Iraq û Sûriyê pêk anîne.

Navenda Fermandehiya Hêzên Hevpeyman ragihand, balafirên şer îro jî çeper û çekdarên DAIŞê dan ber bombeyan.

Li gorî daxuyaniya Navendê, balafirên şer îro 12 êriş li Kobanî, Reqa û Hesekê li dijî çekdarên DAIŞê pêk anîne ku di encamê de otomobîlên leşkerî yên DAIŞê, eniyên pêş ên rêxistinê û navendên mezin ên DAIŞê hatin armanckirin.

Di daxuyaniyê de her wiha hat gotin ku li Iraqê jî 11 êriş li dijî çekdarên DAIŞê li derdora bajarên Tacî, Eyin Esed, Fellûce, Bêcî, Qaîm û Mûsilê hatin kirin ku di encamê de otomobîlên leşkerî yên rêxistinê, çekên wê yên giran û çeperên çekdaran hatin bombebarankirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger