Hewlêr (Rûdaw) - Li peravên parêzgeha Işikawayê ya rojavayê Japonyayê erdhejên bi hêzên 5,7 û 7,4 pileyan çêbûn. Piştî erdhejan hişyariya tsunamiyê hat dayîn.
Li gor daxuyaniya Rêveberiya Avhewayê ya Japonyayê li nîvgirava Notoyê ya Işikawayê erdhejên bi hêzên 5,7 û 7,4 pileyan çêbûn.
Li peravên nîvgiravê bi hêza 5,7 pileyan li gorî saeta herêmî 16:06an û di kûrahiya 10 kîlometroyan binê erdê de erdhejek çêbû û piştî wê saet 16:10an jî bi hêza 7,4 pileyan erdhejeke din çêbû.
Piştî erdhejan li tevahiya herêmê hişyariya tsunamiyê hat dayîn.
Tê payîn ku li gorî saeta herêmî saet 17:00an pêlên bi bilindahiya 3 û 5 metreyan bigihêjin peravên herêmê.
Erdhej li seranserî Işikawayê, li parêzgehên derdorê Fukui û Niigatayê û paytext Tokyoyê hest bi erdhejê kir.
Televîzyona Nihon Housou Kyoukai (NHK) ragihand ku tsunamiya 1,20 metreyan bilind gihîşte peravên bajarê Wajimayê yê parêzgeha Işikawayê.
Li rojavayê Japonyayê bi hêza 7,5 pileyan erd hejiya#Erdhej pic.twitter.com/ETgdsOeUIm
— RudawKurdi (@RudawKurdi) January 1, 2024
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse