Hewlêr (Rûdaw) – Futbolîstê Uruguayî Juan Izquierdo di maçê de ji hişê xwe çûbû, îro xeber hat ku miriye.
Tîmên Nacional û Sao Paulo di lîstika Copa Libertadoresê hatin pêşberî hev.
Juan Izquierdoyê 27 salî dema maçê berdewam dikir bi carekê re ket erdê û ji hişê xwe çû.
Tîmên tendurisitiyê midaxeleya ewil li qada lîstikê kir û paşê ew bir nexweşxaneyê.
Izquierdo 4 rojan li nexweşxaneyê li ber xwe da lê vê sibehê xebera tehl hat.
“Em şîna wî girê didin”
Nacionalê xebera mirina wî bi daxuyaniyeke nivîskî ragihand û got:
“Em bi êşeke giran a di dilê xwe de xebera wefata lîstikvanê xwe Juan Izquierdo radigihînin.
Em şîna wî girê didin û ew dê heta hetayê bi me re be.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse