Tutumlu û Deverikos şampionên “ Spanya Iber GT” ya 2013

Hewlêr (Rûdaw) - Pêşbaziy navdelwetî   Spanya Iber GT ya 2013, ya ku di nava salê de li cihên cûrbecûr tê lidarxistin, roja yekşemê  li  meydana  Barcelona-Catalunya bi dawî hat, ajokarên erbeya Porsche ya Autorlando Sport, yê kurd-kataln Isaac Tutumlu û hevrêyê wî yê yewnanî Dimitris Deverikos bûn şampionên vê pêşbaziyê.

Di derbarê vê serkeftinê de Tutumlo ji ajansa ragihandinê ya sporê CTR Press daxuyand da û behsa zehmetîyên ku wî derbaskirin di meydanên pêşbaziyê de û ku ew bi vê serkeftinê gellek kêfxweş e. Tutumlu weke di hemû serkeftinên xwe yên berê dîsa serkeftina xwe diyarî gelê kurd û malbata Barzanî kiribû. Her wisa spasiya heval  û malbata xwe kiribû ji bo piştgiriya wan. Tutumlo di dawiya axaftina xwe  de destnîşankir  ku ewê nêzîkde ligel Tîma Barzanî Racing  hinek projeyên mezin ragihînin ji bo sala 2014an.