Hewlêr (Rûdaw) - Piştî hefteya 15an a Lîga 2an a Federasyona Futbolê ya Tirkiyê, Tîma Amedsporê di Grûpa Spî de bû pêşeng.
Tîma Amedsporê ku berî lîstika îro di rêza duyemîn a grûpa xwe de bû, îro li stadyuma xwe li Amedê mêvandariya tîma Îdareya Taybet a Bayburtê kir û bi ecama 2-0 ev tîm têk bir.
Her îro tîma Şanliurfaspor ku di Grûpa Spî de bi 24 puanan û avantaja golek zêde di pileya yekem a Grûpa Spî de bû, bi Somasporê re lîst û bi encama 1-0 tîma Somasporê têk bir.
Bi encamên lîstikên her du lîstikan, puanên tîma Amedsporê û tîma Şanliurfasporê wek hev lê hatin û her du bûne xwediyê 27 puanan, lê ji ber ku Amedsporê golek kêmtir xwaribû, di rêza yekem a grûpê de cih girt.
Di heman grûpê de, tîma Batman Petrolsporê li mala xwe bi encama 3-2 ji Duzcesporê bir û bû tîma heştem a grûpê.
Di Grûpa Sor de jî, her du tîmên Bucaspor 1928 û Kocaelispor ku di bi 31 puanan ketibûn hefteya 15an, her yekê 3 puan bi dest xistin.
Diyarbekirspora ku di vê komê de cih digire li hember Kocaelisporê bi encama 1-0 têk çû û di rêza 19emîn de cih girt, herwiha Belediyespor a Bajarê Mezin a Wanê jî bi encama 4-2 tîma Seriksporê têk bir û di rêza 7emîn de cih girt.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse