Amedspor li mala xwe têk çû

Hewlêr (Rûdaw) - Amedspor li stada xwe li hemberî Istanbulsporî 1-0 têk çû.

Tîma parêzgeha Amedê ya Bakurê Kurdistanê Amedspora ku di Lîga Yekem a Tirkiyeyê de têdikoşe li standa xwe derket pêşberî Istanbulsporê.

Istanbulspor bi pankarta "pêşî welat" derket qadê.

Serokê TFFyê Îbrahîm Hacîosmanoglû û Serokê Amedsporê Azîz Elaldî beriya maçê daketin qadan û alîgirên her du tîman silav kirin.

Maça Amedspor û Istanbulsporê demjimêr 21:00an dest pê kir.

Nîva ewil ê maçê bê gol bi dawî bû.

Lîstikvanê Istanbulsporê yê bi navê Emîr Kaan deqîqeya 77an golek avêt û tîma xwe pêş xist.

Ji bilî vê ti goleke din nehat avêtin û maç bi encama 1-0 bi dawî bû.

Istanbulspor di xuleka 77emîn de bi gola Emîr Kaan Gultekîn 1-0 ket pêş #Amedspor`ê pic.twitter.com/A6ojS9N54R

— RudawKurdi (@RudawKurdi) August 19, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger