Amedspor û Istanbulspor îşev tên pêşberî hev

Hewlêr (Rûdaw) – Tîma parêzgeha Amedê ya Bakurê Kurdistanê Amedspora ku di Lîga Yekem a Tirkiyeyê de têdikoşe dê mazûvaniya Istanbulsporê bikê.

Li parêzgeha Amedê îşev demjimêr 21:00an tîma Amedsporê û Istanbulsporê li Stada Amedê tên pêşberî hev.

Serokê TFFyê Îbrahim Hacîosmanoglu ji bo temaşekirina maçê çûye Amedê.

Serokê Federasyona Futbolê ya Tirkiyeyê (TFF) Îbrahim Hacîosmanoglu beriya were hilbijartin soz dabu ku were hilbijartin dê ewil lîstika Amedsporê temaşe bike.