Hewlêr (Rûdaw) – Yaneya Dalkurdê di yekemîn yariya Kûpa Swêdê de derkete pêşberê yaneya Malmo û 3 xal ji dest dan.
Dalkurd di çarçoveya Koma A ya Kûpa Swêdê de bû mêhvanê yaneya Malmoyê.
Beşda yekem a yariyê bê gol bi encam bû. Di beşa duyem de, di xuleka 87ê de yarîzanê Malmo Markus Rosenberg bi lêdana penaltiyê golek tomar kir û yarî bi 1-0 bidawî bû.
Di yariya din a Koma A de yaneya Brommapojkarna li hember yaneya Gefle bi 2 – 0 serkevt.
Piştî van encaman Brommapojkarna û Malmo bi 3 xalan bûne yekem û duyemê rêzbendê. Dalkurd rêza sêyem û Gefle jî rêza çarem girt.
Di yariya duyemîn de Dalkurd dê roja Yekşema bê bibe mêhvanê Brommapojkarna û Malmo jî rûbirûyê Gefle bibe.
Di Kûpa Swêdê de 8 kom hene û di her komê de yekem û duyemên rêzbendê dê derkevin qonaxeke serve û paşî bi awayekî vavartin bi hevre bilîzin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse