Polîsan nehişt aligirên Amedsporê bi formayên xwe herin maçê

Hewlêr (Rûdaw) – Polîsan nehişt aligirên Amedsporê yên ku rengê zer li ser formayên wan hene herin maçê.

Tîma parêzgeha Amedê ya Bakurê Kurdistanê Amedspor îro yekemîn lîstika xwe li Stenbolê bi tîma Fatih Karagumrukê re dilîze.

Li navçeya Başakşehirê ya Stenbolê demjimêr 19:15an tîma Amedspor û Fatih Karagumruk li Stada Olimpiyadê ya Ataturkê hatin pêşberî hev.

Beriya maçê bi sedan alîgirên Amedsporê ji bo temaşekirina maçê ji gelek parêzgehên Tirkiye û Bakurê Kurdistanê çûn Stenbolê.

Polîsan bi hinceta ku rengê zer li ser formayên wan hene nehişt hinek alîgirên Amedsporê bikevin stadyûmê.

Hinek alîgirên Amedsporê yên ku rengê zer li ser formayên wan hene neçar man ku formayên xwe berovajî bikin û li xwe bikin.

Nûçegihanê Rûdawê Rawîn Stêr ew kêlî bi awayî zindî veguhastin.

#VÎDEO - Polîs nahêlin ku aligirên Amedsporê bi formayên xwe herin maçê

🎤Ev eyba me ye‼️

🎤Ma heqareteke ji vê mezintir heye❓#Amedspor pic.twitter.com/EsjWnalSf1

— RudawKurdi (@RudawKurdi) August 11, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger