Armanca Mihemed ew e ku wek Mihemed Elî bibe şampiyonê cîhanê
Hewlêr (Rûdaw) – Mihemedê 9 salî yê xelkê Wanê, dixwaze wekî Mihemed Elî bibe şampiyonê boksê û ew bi hemû hêz û taqeta xwe ji bo wê armancê kar dike.
Mihemedê biçûk ango Mehmet Bekîr Uyumaz, boksorê navdar ê cîhanî Mihemed Elî ji xwe re dike mînak û baweriya wî bi serkeftina wî heye.
Ew xwe li ber sir û seqema ku ji 2-8 pileyan dadikeve heta bin sifirê jî dev ji rahênanê bernade.
Werzîşvanê kickboksê Mehmet Bekîr Uyumaz got, “Di şampiyoniya kickboks3e ya Wanê de bûm yekemîn û min mafê beşdarbûna şampiyoniya Tirkiyeyê bi dest xist.”
Mihemed diyar kir ku armanca wî ew e ku di kickboksê de li welatên Ewropa û Taylandê jî bibe şampiyon.
Bavê Mihemed Samet Uyumaz jî got, “Di zivistaneke dijwar de her rahênan kir. Guh nade berf û baranê û her rahênanê dike.”
Şampiyontiya kickboksê ya ji bo zarokan 22-28ê Kanûna Paşîna 2024an li parêzgehên Antalya û Mêrsînê yênTirkiyeyê bi rê ve diçe.
Eger Mihemed bibe yekemîn dê beşdarî şampiyoniya cîhanê jî bibe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse