Federasyona Futbolê ya Tirkiyeyê pîrozbahî li Amedsporê kir

Hewlêr (Rûdaw) - Federasyona Futbolê ya Tirkiyeyê (TFF) ji ber şampiyoniyê pîrozbahî li Amedsporê kir.

Amedspora di Koma Sor a Lîga 2yemîn a Federasyona Futbolê ya Tirkiyeyê (TFF) de dilîst, doh bû şampiyon û derket Lîga 1em a TFFyê.

Federasyona Futbolê ya Tirkiyeyê li ser hesabê xwe yê medyaya civakî bi peyamekê pîrozbahî li Amedsporê û Serokê wê Azîz Elaldi kir.

Herwiha TFFyê pîrozbahî li tîma Esenler Eroksporê jî kir ku di Koma Spî ya Lîga 2yem de bûbû şampiyon.

Federosyona Futbolê ya Tirkiyê di peyama xwe de pîrozbahî li serokên herdû tîman kiriye û got:

“Em ji ber serkeftinên wan pîrozbahiyê li Serokê Amedsporê birêz Azîz Elaldi û Serokê Esenler Erokspor birêz Zafer Topaloglu, şandên wan ên teknîkî, lîstikvan û cemawerê wan dikin ku bûne şampiyon û derbasî lîga yekem bûne.

Em di serdema pêşiya me de di lîga yekemîn a Trendyolê de ji wan re serkeftinê dixwazin.”

TFF 2. Lig’de gruplarını şampiyon olarak tamamlayıp, Trendyol 1. Lig’e yükselen Esenler Erokspor ve Amed Sportif Faaliyetler’i tebrik ederiz. pic.twitter.com/MhVsQUBVAi

— TFF (@TFF_Org) May 4, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger