Hewlêr (Rûdaw) - Pêşbaziya Paraşûta Berpalê ya Merhaleya 7emîn a Herêma Rojhilatê Anadoluyê li bajarê Wanê yê Bakurê Kurdistanê dest pê kir.
Pêşbaziya ku ji bo nasandina dewlemendiyên dîrokî, çandî û sirûştî yên bajêr û belavkirina werzîşa paraşûta berpalê tê lidarxistin li Gundê Ayanîsê yê navçeya Tuşbayê hat kirin.
Di organîzasyonê de 26 werzişvanên ji gelek bajaran hatin hemberî Çiyayê Sîpanê û Gola Wanê firiyan û hewl dan ku bigihêjin hedefa xwe.
Serokê Federasyona Werzişên Asmanî ya Tirkiyeyê Ahmet Saîm Yilmaz diyar ku Wan ji bo werzişan navendeke gelekî girîng e.
5 kes dê derbasî Şampiyoniya Tirkiyeyê bibin
Ahmet Saîm Yilmaz da zanîn ji ber ku li bajêr e gelekî kêfxweş e û got:
Werzîşvanên ku di 5 rêzên yekemîn de cih bigrin dê beşdarî Şampiyoniya Tirkiyeyê ya li Eskîşehirê bibin.
Ev der ji bo me û werzişvanên me herêmeke girîng e.
Gola Wanê û Çiyayê Sîpanê dîmeneke gelekî xweşik derdixînin holê.
Gelê Wanê mêvanperweriyeke gelekî xweş nîşanê me da.
Ev du car li ser hev e ku pêşbazî li vir tê kirin û gelekî xweş derbas dibe."
Werzişvan Abdulkadi Eren jî got:
“Ez 14 sal in werzîşa paraşûta berpalê dikim. Yek ji sûdên herî mezin ê vê werzişê ew e ku em cihê nû dibînin û mirovên nû nasdikin.
Ez bangî hemû kesên ku bi vê werzîşê re eleqedar in bila werin Wanê.”
Pêşbaziya paraşûtê sala borî jî li Wanê hatibû kirin û yek ji armancên vê pêşbaziyê danasîna dewlemendiyên dîrokî, çandî û xwezayî yên Wanê ne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse