Hewlêr (Rûdaw) – Maça futbolê ya tîmên Sipahan û El-Îtihadê ji ber peykerê Qasim Silêmanî hat betalkirin.
Tîma Sipahanê ya Îranê û tîma El-Îtihadê ya Erebistana Siûdiyê dê ji bo maça Lîga Şampiyonan a Asyayê li Îsfehana Îranê bihatana pêşberî hev.
Tîma El-Îtihadê beriya maçê hat stadyûmê lê wan çav li peykerê Qasim Silêmanî kir.
Rayedarên tîma El-Îtihadê da zanîn ku ew ji ber peyker dernakevin maçe.
Hakemê maçê piştî vê rûdanê lîstik betal kir.
Tîma Sipahanê jî ragihand ku ew dê ji bo gilihkirinê serî li Konfedrasyona Futbolê ya Asyayê (AFC) bidin.
AFCyê ji li ser hesabê xwe yê Xê destnîşan kir ku maça di navbera her du tîman de “ji ber hinek sedemên ku nedihatin pêşbînîkirin” hatiye betalkirin.
Fermandarê Îranî Qasim Silêmanî sala 2020î li Bexdayê ji aliyê Amerîkayê ve hatibû kuştin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse