Diyarbekirspor bû şampiyon

Hewlêr (Rûdaw) - Diyarbekirspor ku di Grûpa 1 a Lîga 3yemîn de bû, di dawîn pêşbirka xwe de xalek bidest xist û bû şampiyon. Ew tîma Bakurê Kurdistanê derbasî Lîga 2yemîn bû.

Diyaberkirspor di hefteya 30emîn de li Stenbolê hat pêşberî tîma Arnavutkoy Belediyesspor ku di vê pêşbirkê de wergirtina xalekê jî têrî tîma Bakurê Kurdistanê dikir.

Di encama 90 xulekan de dengê golê ji pêşbirka Diyaberkirspor û Arnavutkoy Belediyesspor bilind nebû û pêşbirk bi encama 0-0 bi dawî hat.

Bi wergirtina xalekê Diyarbekirspor gihişt 68 xalan û di dawîn hefteya lîgê de şampiyoniya xwe ragihand û derbasî Lîga 2yemîn bû ku ev di dîroka wê tîmê de cara yekem e.

Diyaberkirspor sala 1977an li Ameda Bakurê Kurdistanê hat damezrandin û bo salên dirêj di lîgên amator de bû û 2012-2013 bo cara yekem derbasî Lîga 3yemîn bûbû.

Diyarbekirspor ku di Grûpa 1 a Lîga 3yemîn de bû, di bin rahêneriya Şenol Demîr de saleke serkeftî derbas kir û bû şampiyon.

Sala bê ew tîma Ameda Bakurê Kurdistanê dê di Lîga 2yemîn de cih bigire.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger