Li Îtalya 11 navçe ji ber vîrûsa orona hatin dorpêçkirin

Hewlêr (Rûdaw) - Hikûmeta Îtalyayê dorpêçkirina 11 bajarokan li navçeya Lombardiya ragihand piştî ku 79 kes li wir bi vîrûsa Korona ketin, du kesan heya niha canê xwe ji dest dane.

Serokwezîrê Îtalyayê Giuseppe Contedi konferanseke rojnamevanî de dorpêçkirina hemû navçeyên ku vîrûs lê belav bûye ragihand, qedexe kir xelk bê destûr derbasî wan navçeyan bibe û ji wan derkeve.

Herwiha dibistan, kompanî û hemû çalakiyên giştî weke festîval, werziş û geştên dibistanan hatin rawestandin.

Di heman demê de biryar bû çend lîstikên futbola xula Sêrî A ya Îtalyayê, weke lîstikên Inter Milan - Sambdorya, Verona-Kalyarî û Atlanta Sasolo bêne lîstin, lê ew jî hatin paşxistin.

Navçeya sereke ya ku li Îtalya vîrûs lê belav bûye, bajarê Kodonyo ye, 60 km dûrî Mîlano ye, navçeyeke din ya sereke bajarokê Fo Yoganyo ye ku yekem Ewropî û Îtalî li wir ji ber Korona canê xwe ji dest da.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger