Tendirûstî
Seroka Giştî ya Sendîkaya Dermanfiroşan diyar kir ku bûn şahid ku welatî maskên xwe carna dişon
Hewlêr (Rûdaw) - Seroka Giştî ya Sendîkaya Dermanfiroşan a Tirkiyê Nurten Saydan ragihand ku nabe maskeyên ji bo vîrusa koronayê têne bikaranîn bêne şûştin û dubarê bêne bikaranîn.
Seroka Giştî ya Sendîkaya Dermanfiroşan a Tirkiyê Nurten Saydan daxuyaniyeke nivîskî da û diyar kir ku bûn şahid ku welatî maskên ku di çarçoveya têkoşîna dijî vîrusa koronayê ya nû (Covîd-19) de bikar tînin dişon û dîsa bikart tînin.
Nurtan Saydan tekez kir ku şûştin û cardin bikaranîna maskan, ne mimkûn û got: “Herwiha divê neyê jibîrkirin ku mask bermayiyên tibî ne û divê daynin poşêtekê û devê wê asê bikin, biavêjin qutiya çopê.”
Saydan bal kişand dema ku maskê zirar dît an jî bi tiştekî avî ket demildest divê bê guherandin û wiha pê de çû: “Em wisa difikirin ku ji bo welatiyên me yên nikarin ku bi qutiyan maske bikirin divê bê serbestkirin pakêtên ku tê da 5 yan 10 mask hene bên firotin. Ji bo parastina tenduristiya civakê ev verastkirin teqez divê bê kirin. Fikra welatiyên me yên ku maskê xwe dişon û dîsa bikar tînin me gelekî ditirsîne. Em cardin dixwazin bi taybetî destnîşan bikin ku divê welatiyên me ji bilî agahiyên tenduristiyê bila ji agahiyên din bawer nekin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse